त्यो रातो संसार

"बाबा !! मलाई त्यो रातो रङको सर्ट किनिदिनु न ।",एकाएक त्यो सर्ट देख्ने बितिक्कै मैले भनिहाले ।

"तलाई किनिदिन्छु !! अस्ती दुई दिन अघी किनेको हैन त्यस्तै रातो रङको तलाई फेरी किन चाहियो ?  ",बाबाले झर्किदै भन्नुभयो ।

"नाई-नाई !!! मलाई चाहियो ,चाहियो" ,बाटोमा थचक्क बसेर मैले रोई-कराइ गरे । बाबाले मन नलागी नलागी किनिदिनु भयो ।

"ल, यो समेत गरेर तँ सँग अब १२ वटा रातो सर्ट भयो ।",बाबाले रिसाँउदै भन्नु भयो ।

रातो रङ भन्ने बितिक्कै मलाई जे पनि मनपर्थ्यो । रातो सर्ट , रातो रङको आलु घडी , रातो रङको गुडिया , सबै रातो रङको मात्र सामान थियो म सँग ।

उमेर बढे सँगै शरिर फेरियो , रहरहरु फेरिए , सपनाहरु फेरिए, साथीहरु फेरिए तर रातो रङ सँगको लगाव अहँ फेरिएन ।  फेर्दै फेरिएन  । हरेक पल्ट रातो रङको सामान किनियो । ल्यापटप , माउस ,किबोर्ड ,सबै रातो किनियो । बरु सेतो किनेर रातो रङ हालियो ।

अब प्लस २ का लागी काठमाडौं आईयो । सबै रातो रङको मात्र सामान ल्याए । कलेज मा भर्ना भैइयो । करिब एक महिना पछी हामिलाई स्वागत गर्ने कार्यक्रम भयो । गहु गोरो बर्णमा कम्मर तल रातो साडी ,कम्मर माथी रातो चोलो , रातो रङको चप्पल र कपाल पनि रातो रङको चुल्ठोले बाँधेर उ आउँदै थिई ।

रातो रङ मलाई सार्है मनपर्ने , अझ उसको त सबै रातो पहिरण । दिन नै रातो भयो मेरा लागी । रात पनि राता भए । अब त संसारनै रातो लाग्न थाल्यो मलाई । एक रातो संसारमा म हराए । बाटाहरु सबै रातै भए, रुख बिरुवा सबै राता ,घाम पनी रातो , पानी पनि रातो, सबै रातो ।

कलेज लागेकै दिन म उ सँग भेट्न गए । मैले उसको त्यो दिनको पहिरणको प्रसंसा गरेर भने,"यु वेर लूकिङ बिउटिफूल ईन रेड ।"

उसले अलिक रिसाउँदै भनि ,"आई हेट फ्लटिङ ।"


"मैले फ्लर्ट गरेको हैन नि । साँच्चै , आई वाज मेस्मराईज्द बाई योर बिउटी ।" , मैले अलिक गम्भिर भएर भने । 

उ हाँस्दै पछाडी फर्केर हेर्दै गयी ।


मैले सुनेको थिए "हसिँ तोह फसी भनेर ।" म त फुरुङै अनि मन मा अलिकती आश पलायो । मनले भन्यो,"नछाड केटा यसलाई!!" 

मैले मेरो सेक्सन चेन्ज गरेर उसकै सेक्सनमा गए । फिजिकल पढ्न आँटेको म उसको लागी बायोलोजी पढ्न गए । 

…………………………………… क्रमश: ……………………………….